Neubau Landsbankinn / Nýbygging Landsbankans

Landsbankinn ætlar að byggja húsnæði fyrir starfsemi bankans að Austurbakka 2 við Austurhöfn í Reykjavík. Nýja húsið er veigamikill þáttur í framtíðarsýn bankans, þar sem saman fara framþróun í tækni og þjónustu, hagkvæmni og arðsamur rekstur. Áætluð stærð hússins er um 16.500 m², auk bílakjallara sem mun nýtast öllu svæðinu við Austurhöfn. Bankinn hyggst nýta um 10.000 m² í nýja húsinu undir eigin starfsemi en um 6.500 m² munu nýtast undir aðra verslun og þjónustu.
Landsbankinn er í dag með starfsemi í 13 húsum í kvosinni í Reykjavík og eru a.m.k. 13 inngangar í húsnæði bankans. Húsnæðið er óhentugt og óhagkvæmt, það uppfyllir ekki nútímakröfur og hamlar framþróun. Markmiðið með flutningum í nýtt hús er að ná fram hagræðingu og að bæta umgjörð starfseminnar með sveigjanlegu húsnæði sem örvar samstarf og er með góðu flæði innan og á milli eininga. Væntingar eru til þess að nýtt húsnæði Landsbankans endurspegli stefnuáherslur bankans um skilvirkni, aðgengileika og virðisauka, auk þess sem nýja húsnæðinu er ætlað að hvetja til frumkvæðis.

The architect teams that submitted initial proposals for the building were:

- Arkþing og C.F. Møller

- BIG og Arkiteó í samstarfi við BIG Engineering, VSÓ ráð- gjöf, Dagný Land Design og Andra Snæ Magnason

- Henning Larsen og Batteríið arkitektar

- Kanon arkitektar ehf. og Teiknistofan Tröð ehf.

- PKdM arkitektar

-Teymið - A2F arkitektar, Gríma arkitektar, Kreatíva teiknistofa, Landmótun og Trivium